toote huye khwaabon ne hum ko ye sikhaayaa hai
dil ne jise paayaa thaa, aankhon ne gawaayaa hai
hum dhoondhte hain jinko, jo mil ke naheen milte
ruthhe hain na jaane kyon, mehmaan wo mere dil ke
mehmaan wo mere dil ke
kyaa apnee tamannaa thee, kyaa saamne aayaa hai
dil ne jise paayaa thaa, aankhon ne gawaayaa hai
laut aayee sadaa meree, takraa ke sitaaron se
ujdee huyee duniyaan ke, sunsaan kinaaron se
sunsaan kinaaron se
par ab ye tadapnaa bhee kuchh kaam naa aayaa hai
dil ne jise paayaa thaa, aankhon ne gawaayaa hai
No comments:
Post a Comment