ek thaa gul aur ek thee bulbul donon chaman mein rahte the
hai ye kahaanee bilkul sachchee, mere naanaa kahte the
bulbul kuchh aise gaatee thee
aise gaatee thee
aise gaatee thee
……..kaise gaatee thee
bulbul kuchh aise gaatee thee,
jaise tum baatein kartee ho
wo gul aise sharamaataa thaa,
aise sharmaataa thaa
aise sharmaataa thaa
…..kaise sharamaataa thaa
wo gul aise sharmaataa thaa
jaise main ghabraa jaataa hoo
bulbul ko maaloom naheen thaa,
gul aise kyon sharmaataa thaa
wo kyaa jaane uskaa naghmaa,
gul ke dil ko dhadkaataa thaa
dil ke bhed naa aate lab pe, ye dil mein hee rahte the
ek thaa gul aur ek thee bulbul………
lekin aakhir dil kee baaten
aise kitne din chhuptee hain
ye wo kaliyaan hain jo ek din
bas kaante ban ke chubhtee hain
ek din jaan liyaa bulbul ne,
wo gul us kaa diwaanaa hai
tum ko pasand aayaa ho to bolo,
phir aage jo afsaanaa hai
……bolo na chup kyon ho gaye
ek duje kaa ho jaane par,
wo donon majaboor huye
un dono ke pyaar ke Qisse,
gulshan mein mashhoor huye
saath jiyenge, saath marenge, wo dono ye kahate the
ek thaa gul aur ek thee bulbul………..
………phir kya hua
phir ek din kee baat sunaaoon,
ek sayyaad chaman mein aayaa
le gayaa wo bulbul ko pakad ke,
aur diwaanaa gul murjhaayaa 2
shaayar log bayaan karte hain,
aise unkee judaayee kee baatein
gaate the ye geet wo donon,
saiyyaan binaa naheen katatee rate 2
mast bahaaron kaa mausam thaa,
aankh se aansoo bahate the
ek thaa gul aur ek thee bulbul………..
aatee thee aawaaz hameshaa,
ye jhilmil jhilmil taaron se
jiskaa naam mohabbat hai wo
kab ruktee hain diwaaron se
ek din aah gul-o-bulbul kee
us pinjade se jaa takraayee
tootaa pinjadaa, chhootaa Qaidee,
detaa rahaa saiyyaad duhaayee
rok sake naa usko milake, saaraa zamaanaa, saaree khudaayee
gul saajan ko geet sunaane, bulbul baagh mein waapas aayee
……..raja bahut achchhi kahanee hai
yaad sadaa rakhanaa ye kahaanee, chaahe jeenaa, chaahe marnaa
tum bhee kisee se pyaar karo to, pyaar gula-o-bulbul saa karnaa
No comments:
Post a Comment